Илгари Ойнинг ёши 4,42 миллиард йил, ± 10 миллион йил деб ҳисобланган, аммо яқинда ўтказилган тадқиқотлар бизнинг сунъий йўлдошимиз 40 миллион йил катта эканлигини кўрсатадиган янги маълумотларни тақдим этди.
Ойнинг пайдо бўлиши 4 миллиард йил олдин Марс ўлчамидаги жисмнинг ёш Ер сайёраси билан тўқнашуви натижасида содир бўлган. Тўқнашувдан олинган материал аста-секин Ойни шакллантирди, бу бугунги кунда ҳам Ердаги ҳаётнинг турли жабҳаларига таъсир қилади.
Сунъий йўлдошимиз ёшини қайта ҳисоблаш 1972-йилда Аполлон 17 миссияси пайтида тўпланган циркон кристалларини ўрганишдан сўнг содир бўлди. Тадқиқот натижалари шуни кўрсатадики, циркон кристалларининг ёши камида 4,46 миллиард йил, бу илгари ҳисобланганидан 40 миллион йил катта. Космик ўлчовда бу бир лаҳза, аммо бундай рақамлар Ой ва Ер тарихини аниқроқ аниқлаш учун муҳимдир.
