Мексикада таэквондо бўйича Жаҳон чемпионати баҳслари якунига етди. Унда Ўзбекистон терма жамоаси 1 та олтин, 1 та кумуш ва 2 та бронза медалини қўлга киритиб, умумжамоа ҳисобида дунёда олтинчи ўринни эгаллади. Ўзбекистонлик таэквондочилар Хорватия, АҚШ, Италия, Буюк Британия, Бразилия, Эрон каби мамлакат спортчиларини ортда қолдирди.
Эслатиб ўтамиз, бу йилги Жаҳон чемпионатида Светлана Осипова олтин, Нияз Пўлатов кумуш, Феруза Содиқова ҳамда Никита Рафалович бронза медалларини қўлга киритди.
Ўзбекистон Жаҳон чемпионатларида ҳеч қачон 3 тадан кўп медаль қўлга киритмаганди. Яқиндагина Осиё чемпионатида тенгсиз бўлган Ўзбекистон энди сайёрамизда олтинчи ўринни эгаллади.
Таэквондочиларимизнинг ЖЧдаги натижалари:
2001 - 1 та кумуш,
2011 - 1 та кумуш,
2015 - 1 та олтин, 2 та кумуш,
2017 - 1 та кумуш, 1 та бронза,
2022 - 1 та олтин, 1 та кумуш, 2 та бронза.
