Шавкат Мирзиёевнинг «Янги Ўзбекистон» газетасига мамлакатимиз ўтмиши ва бугунининг муҳим босқичларига баҳо берилган, истиқболдаги тараққиётнинг асосий йўналишлари очиб берилган дастурий интервьюси чет эл эксперт-таҳлилий ҳамжамияти, сиёсий арбоблар, ишбилармонлар доираси эътиборида бўлишда давом этяпти.
Ўзбекистоннинг Латвиядаги элчихонаси маълумотига кўра, давлатимиз раҳбарининг жавоблари инглиз тилида алоҳида нашр ҳолида чоп этилган.
Аввал Ўзбекистон Президенти интервьюсининг босма шаклдаги кўриниши қозоқ, тожик ва испан тилларида пайдо бўлганди. Айни вақтда алоҳида нашр араб тилида тайёрланяпти, деб хабар беради «Дунё» АА.
