"Startup Genome" бутун дунёда стартап экотизимлари фаолиятини таҳлил қилиш ҳамда ривожлантириш бўйича глобал консалтинг компаниядир. Ташкилот томонидан турли мавзуларда даврий ҳисоботлар тайёрланади.
Хусусан, жорий йил 1-4-ноябрь кунлари Португалиянинг Лиссабон шаҳрида ушбу ташкилот томонидан глобал стартап экотизимлари иштирокида халқаро анжуман ташкиллаштирилди ҳамда 2022 йил якунлари бўйича глобал йиллик ҳисобот тақдим этилди.
Жорий йилнинг 7 декабрь куни Инновацион ривожланиш вазирлиги Стартап экотизимини шакллантириш ва ривожлантириш бошқармаси "Startup Genome" глобал ташкилоти вакиллари билан ҳамкорик ўрнатиш юзасидан учрашув ташкиллаштирилди.
Унда ўзбек стартап экотизимини глобал рейтингларга киритиш ҳамда ривожлантириш бўйича суҳбат бўлиб, 2023 йил июнь ойига қадар Тошкент стартап экотизими глобал рейтингларда ўрин олиши ҳамда ривожлантиришнинг аниқ йўналишлари белгилаб олиниши келишиб олинди.
