Бунга қадар ҳеч қачон бир йўла тўрт нафар ўзбекистонлик таэквондочи Олимпиадага чиқмаган эди. Ўтган олимпия ўйинларида максимум 3 нафардан таэквондочи қатнашган. Бу ҳақда Ўзбекистон таэквондо WT ассоциацияси матбуот хизмати хабар берди.
– Иорданиядаги мусобақа ажойиб ўтди. Муҳтарам Президентимизга биз спортчиларга яратиб берилаётган шароитлар учун улкан миннатдорлик билдираман. Шукурки мен ҳам, мусобақада қатнашган Нигора ва Улуғбек ҳам Олимпиадага йўлланма олдик. Бундан жуда ҳам хурсандман. Токиода Президентимиз, халқимиз ва раҳбариятимизнинг юзини ерга қаратмасликка ҳаракат қиламиз", – дейди Светлана Осипова.
Токиодаги Олимпиадада таэквондочиларимиз медаллар қўлга киритиб яна бир тарихий натижа қайд этишади деб ишонамиз!
