«Ушбу жараён COVID-19 вируси тарқалиши оқибатида юзага келган инқирознинг ижтимоий-иқтисодий таъсирини юмшатиш учун ҳамда ҳудудлар ва иқтисодиёт тармоқларини ривожлантириш бўйича давлат дастурларини молиялаштириш учун янги қарзларнинг жалб қилиниши билан изоҳланиши мумкин», — дея тушунтириш берган Марказий банк.
Ташқи қарз давлат қарзи ва хусусий қарздан иборат. Давлат қарзи миқдори 16,2 миллиард долларни, хусусий қарз эса 8,9 миллиард долларни ташкил этди. Шу билан бирга қайд этилишича, жаҳон пандемияси шароитида фонд бозорларида биржа котировкаларининг пасайиши оқибатида Ўзбекистон суверен облигацияларининг бозор нархлари камайди.
Қарз қайтарилишига келса, биринчи чоракда 132 миллион доллар миқдоридаги асосий қарз ва 93 миллион доллар миқдордаги фоиз тўловлари амалга оширилган.
