Мисол учун, деҳқончилик қилишда тажрибаси бор қишлоқ аҳлига ер майдонларининг бепул фойдаланишга берилиши, нафақат бандликни, шу билан бир қаторда озиқ-овқат хавфсизлигини таъминлашда ҳам ўзига хос ўрин тутмоқда.
Айни кунларда Пискент туманидаги Сувти маҳалласида фермер хўжаликларининг буғдойдан бўшаган унумдор ер майдонлари аҳоли вакилларига ажратиб берилмоқда.
Ҳудуддаги иш билан банд бўлмаган ва деҳқончилик қилиш истаги бўлган 400 нафардан ортиқ фуқарога 30 сотихдан такрорий экин экишлари учун ер бўлиб берилди. Улар орасида “Темир дафтар”, “Аёллар дафтари” ва “Ёшлар дафтари”да рўйхатга олинган инсонлар ҳам бор, деб хабар беради Тошкент вилояти ҳокимлиги Ахборот хизмати.
