27 январь куни бирични суд мажлисида Фирдавс Абдухолиқов иштирок этиб, кўрсатма берган. Шундан кейин суд ишни кўриш бўйича 31 январгача танаффус эълон қилган, лекин шу куни Абдухолиқов судга ариза билан мурожаат қилиб, ишни кўришни бошқа кунга қолдиришни сўраган.
Мазкур иш судда кўрилаётгани ҳақида ОАВ ва жамоатчиликка суд мажлиси ўтиб бўлганидан кейин хабар берилди. Ваҳоланки, Президентнинг очиқликка оид фармонига биноан, 2021 йил 1 декабрдан бошлаб давлат хизматчиларининг касбий фаолияти билан боғлиқ ҳуқуқбузарликларга оид ишлар бўйича суд мажлислари телеканаллар ва интернетда жонли эфирга узатилиши керак эди, деб ёзади Pressuzb телеграм канали.
