Якуний босқичга ҳудудлардаги Президент, ижод ва ихтисослаштирилган мактабларнинг 53 нафар иштирокчилари ҳам етиб келди ва уларга олимпиада дастури, махсус футболка, рюкзак ҳамда атрибутлар туҳфа этилди.
Олимпиада олдидан Қўқон университетига Президент, ижод ва ихтисослаштирилган мактабларни ривожлантириш агентлиги раҳбари Ҳилола Умарова Қўқон университетида талабалар учун ҳозирланган шароитлар, республика олимпиадасига тайёргарлик жараёнлари, иштирокчиларга яратилган имкониятлар билан яқиндан танишди, иштирокчиларга муваффақият тилади.
Шунингдек, Тошкент Президент мактаби математика фани ўқитувчиси Чарлес Ндунгу (Кения) ҳам Қўқон университетининг олимпиада ўтказиш ташаббусини маъқуллаб, бу ўқувчилар иқтидорини рўёбга чиқаришга хизмат қилишини эътироф этди.
