Учрашувда Тошкент шаҳридаги Турин политехника университети профессори Азизбек Мараҳимов ҳам иштирок этди.
Ўзаро мулоқот давомида пойтахтимизнинг турли ҳудудларига ҳавонинг ифлосланиш кўрсаткичларини юқори аниқликда кўрсатувчи кичик станцияларни ўрнатиш ва уларнинг маълумотлари асосида ифлосланиш нималар ҳисобига юзага келаётганлиги тўғрисида ахборот олиш масаласи атрофлича муҳокама этилди.
R-NOX компаниясининг тижорат ишлари бўйича директори Андрей Карпов улар 2016 йилдан буён шу йўналишда фаолият олиб боришини билдириб, ҳавонинг ифлосланишини кўрсатувчи кичик станцияларни ишлаб чиқиш, такомиллаштириш, турли ҳудудларга ўрнатиш ва сервис хизматини кўрсатиб келишаётганлигини қайд этди. Ўз ускуналари ва дастурий маҳсулоти ҳақида атрофлича маълумот берди.
Алексей Хен ҳавонинг ифлосланишини ўлчовни илғор ва самарали ускуналар Тошкент учун долзарблигини таъкидлаб, бу йўналишда амалда қўлланилаётган техникаларга эътибор қаратди. Хусусан, Тошкент бўйлаб Гидрометеорология хизмати агентлигининг 2 та йирик станцияси, АҚШ элчихонасидаги станция қатори, ҳудудларда Тошкент шаҳар ҳокимлигининг Рақамли ривожланиш департаменти томонидан ўрнатилган 10 та кичик станция тест режимида ишлаётганлигини айтди. Уларнинг имконияти ва маълумотларига тўхталиб ўтди.
Томонлар бу йўналишда ҳамкорлик истиқболларини ҳам кўриб чиқди. R-NOX компаниясининг Тошкентга синов тариқасида битта кичик станцияни ўрнатишига келишиб олинди, деб хабар беради Тошкент шаҳар ҳокимлиги матбуот хизмати.
