РАСМИЙ: ЙҲХББнинг маълумотлар базаси ўчиб кетганлиги ҳақидаги хабарлар қанчалик ҳақиқат?

Долзарб 16 ноя 2021, 12:27 733

Ижтимоий тармоқларда ЙҲХББнинг жарима маълумотлар базаси хаккерлар ҳужумига учрагани оқибатида республика миқёсида йўл ҳаракати хавфсизлиги қоидаларини бузганлик учун жарима тўлов базаси ўчиб кетгани ҳақида аудиоёзувлар кенг тарқалмоқда.

Ушбу ҳолат юзасидан ЎзА мухбири Ўзбекистон Республикаси ИИВ ЙҲХББ матбуот хизмати билан боғланди. Расмий вакилларнинг маълум қилишича, ушбу аудиоёзувдаги хабарлар ёлғон.

Маълумки, ижтимоий тармоқларда йўл ҳаракат хавфсизлигига оид турли хабарлар тарқалиши тез-тез учраб туради. Биз сиздан доимо расмий манбаларга таянишингизни сўраймиз.