Франциянинг ПСЖ ва Испаниянинг “Реал”, Португалиянинг “Спортинг” ҳамда Англиянинг “Манчестер Сити” жамолари ўртасидаги учрашлар қизғин баҳсларга бой бўлди.
— Ўзимни яхши ҳис қиляпман, бизда ишонч бор, — деган эди “Реал” бош мураббийи Карло Анчелотти ўйин олдидан ўз фикрларини билдириб. — Бу оғир ўйин, қийин рақиб. Бизга ўхшаб улар ҳам турнирда ғалаба қозонишни исташади. Бу ўйин финал бўлганида ҳам ҳеч ким ҳайратланмасди. “ПСЖ”ни турнирдан чиқариб юбормоқчимиз.
Испания қироллик клуби мураббийи қанчалик ўзига ва жамоаси ишонмасин, барибир мағлубиятга учради. Икки грант жамоа ўртасидаги матчнинг 90+4 дақиқасида мезбонлар ҳужумчиси Мбаппе гол киритиб, ПСЖ ғалабасини таъминлади. Ўйиннинг 61 дақиқасида Месси 11 метрлик жарима тўпини дарвозага кирита олмади. Агар у гол урганда, кейинги ўйинда “Реал”га анча қийин бўларди. Хуллас, ғолибни иккинчи ўйиндан сўнг билиб оламиз.
Кеча бўлиб ўтган иккинчи баҳсда бир жамоанинг иккинчисидан анча устун эканлиги билиниб қолди. Сафарда ўйнаган “Манчестер Сити” “Спортинг”га умуман имконият қолдирмади. Баҳс 0:5 ҳисобида меҳмонлар ғалабаси билан тугади.
Бугун “Ред Булл” – “Бавария”, “Интер” – “Ливерпуль” ўйинлари бўлиб ўтади.
