38 ёшли ҳужумчи клублар ўртасидаги Араб чемпионлари кубоги гуруҳ босқичи доирасида Туниснинг “Монастир” клубига қарши ўйинда (4:1) гол урди. Роналду расмий ўйинда боши билан 145 голини киритди ва рекорд ўрнатди. Бу кўрсаткич бўйича у боши билан 144 та гол урган Германия терма жамоасининг собиқ ҳужумчиси Герд Мюллерни ортда қолдирди. Учинчи ўринни 125 та гол билан испаниялик Карлос Сантильяна эгаллаб турибди.
Роналду ярим йилдан бери Саудия Арабистони чемпионатида ўйнамоқда ва ёзги трансферлардан сўнг чемпионатдаги энг кўп маош олувчи футболчи бўлиб қолмоқда. 2 январь куни у “Ал-Наср” футболчисига айланди, шартномага кўра, йилига 200 миллион евро маош олади.
Ўтган мавсумда “Ал-Наср” чемпионатда “Ал-Иттиҳод”дан кейин иккинчи ўринни эгаллади, деб хабар беради tengrinews.kz.
