Вазирнинг сўзларига кўра, вакцинани фуқаролик муомаласига киритиш октябрь охири ёки ноябрь ойи аввалида бошланади.
Мурашко, шунингдек, Россия билан бир қаторда чет элда ҳам коронавирусга қарши эмловга талаб жуда юқори эканлигини таъкидлади.
Эслатиб ўтамиз, 11 август куни Россия дунёда биринчи бўлиб коронавирусга қарши вакцинани рўйхатдан ўтказди. “Спутник V” препарати Гамалея номидаги илмий-тадқиқот марказида Россия тўғридан-тўғри инвестиция жамғармаси кўмагида ишлаб чиқилган. 9 сентябрда мамлакатда вакцинани клиник синовлар ўтказишдан кейинги босқичи бошланди.
Айни пайтда “Спутник V” вакцинасининг синовлари Белорусда ҳам бўлиб ўтмоқда, бу Гамалея илмий-тадқиқот маркази томонидан ишлаб чиқарилган препаратнинг клиник синовларини бошлаган биринчи мамлакат бўлди. Маълум қилинишича, Россия эмловини олган Белорус фуқаролари ўзларини яхши ҳис қилмоқда.
Венесуэла ўтган ҳафта Россия вакцинасининг биринчи партиясини олди. Президент Николас Мадуро ўғли ва опаси Россиянинг “Спутник V” эмловини синовдан ўтказишда ихтиёрий равишда иштирок этишини маълум қилди.
