“Бундай тизимлардан гипотетик фойдаланиш фақат америкалик ходимларнинг бевосита иштироки билан мумкин. Умид қиламанки, Вашингтонни бундай қарорга ундаётганлар оқибатларнинг чуқурлиги ва жиддийлигини яхши билишади”, деди Рябков.
Дипломат Оқ уй ва Пентагонни “бутун вазиятга ҳушёр, оқилона ва масъулият билан ёндашишга” чақирди.
АҚШ ҳали Tomahawk ракеталарини етказиб бериш бўйича қарор қабул қилгани йўқ. АҚШ Президенти Дональд Трамп Украинадан ракеталарни қаерга йўналтириш мумкинлигига ойдинлик киритишни режалаштирган. У бу вазиятда кескинлашув хавфини кўрмаётганини тушунтирди.
Кремль Tomahawk ракеталарининг потенциал берилишини “жиддий кескинлашув босқичи” деб ҳисобламоқда. Президент Владимир Путин АҚШ билан муносабатларнинг бузилиши таҳдиди ҳақида огоҳлантирди. “Ҳар ҳолда бу муносабатларда ижобий тенденциялар пайдо бўлмоқда”, дея қўшимча қилди у.
Reuters хабарига кўра, Tomahawkнинг берилиши даргумон ва АҚШ катта эҳтимол билан қисқа масофали ракеталарни беради.
Tomahawk – бу қўмондонлик пунктлари, радарлар, ҳаво ҳужумидан ҳимоя батареялари, аэродромлар ва бошқа нишонларни йўқ қилиш учун мўлжалланган кўп мақсадли ракеталар. 1970-йилларда General Dynamics компанияси томонидан ишлаб чиқилган бўлиб, улар соатига 885 километр тезликка эга (0,74 Маха) ва учиш масофаси 1250–2500 километр, деб хабар берди rbc.ru.
