Кунлик касалланишлар сони қаторасига 9 кундан буён 10 минг кишидан ошмоқда. Сутка давомида энг кўп касалланиш 7 май куни кузатилганди. Шу куни коронавирусга чалинган беморлар сони 11 231 кишига кўпайган.
Янги касалланганларнинг ярмидан кўпи Москвада қайд этилмоқда. Пойтахтда касалланганларнинг умумий сони 109,7 мингдан ошган. Ундан кейинги ўринларда Москва вилояти ва Санкт-Петербург турибди.
Россиялик вирусолог, Иванов номидаги илмий тадқиқот институти профессори Михаил Шелканов «Говорит Москва» радиосига берган интервьюсида кунлар исиши билан Россияда COVID-19 коронавируси билан касалланганлар сони ортиб кетиши мумкинлигини тахмин қилиб шундай деганди: «Вазият тушунарли, чунки ўткир респиратор касалликларни келтириб чиқарувчи вируслар табиийки ҳаво ҳароратига боғланиб қолмаган. Бунда касалликларга чалинган одамларнинг хатти-ҳаракатлари ўзгаради», — дейди вирусолог.
Унинг сўзларига кўра, кунлар илиши билан уйда ўтиришдан зериккан одамларнинг аксарияти кўпроқ кўчага чиқишга интилади ва бу касалланганлар сонининг ортишига сабаб бўлиши мумкин.
