Аниқланишича, «Ҳудудий электр тармоқлари» АЖ ходимлари музлатгичнинг тармоққа уланиши бўйича ўтказилган текширувда даъво муддатини нотўғри ҳисоблаб, 3 баробар оширувчи коэффициент қўллаган ҳолда тадбиркорга 425 млн сўм қарздорлик белгилаган.

Бизнес-омбудсман девони томонидан ўтказилган ўрганишлар натижасида мазкур ҳисоб-китоб амалдаги қоидаларнинг 139-бандига зид экани маълум бўлди. Тадбиркорнинг ҳақиқий фаолият даври ва амалдаги тарифлар асосида қайта ҳисоб-китоб қилинганда, қарздорлик 11,4 млн сўмни ташкил этиши аниқланди.

Кўрилган чоралар натижасида асоссиз ҳисобланган 413 млн сўмдан ортиқ қарздорлик бекор қилиниб, тадбиркорнинг қонуний ҳуқуқлари тикланди.