Эслатиб ўтамиз, 15 июль куни Бухоро вилояти Экология бошқармаси инспекторлари томонидан Пешкў туманининг «Сафрон» чўл массивида навбатдаги рейд тадбири ўтказилган эди.
Рейд давомида инспекторлар саксовулфурушларнинг жиддий қаршилигига дуч келишади. Ҳаттоки қонунбузарлар инспекторларга тан жароҳати ҳам етказишади. Аммо инспекторлар ўз жонини хатарга қўйиб бўлсада ортга чекинмайди ва ҳуқуқбузарликка чек қўйилиб, қатъий чора кўрилади.
Бугун Бухоро вилояти Экология бошқармасида фидоий инспекторларнинг меҳнати муносиб эътироф этилди — 7 нафар ходим «Табиат ҳимоячиси» кўкрак нишони билан тақдирланишди.
