«Мен 2025-йил 14-февраль куни давлатимиз раҳбарининг биз каби ёшлар билан бўлиб ўтган учрашувида ёшларга хорижий тиллар ва замонавий касбларни ўрганиш бўйича берган тавсияларидан илҳомланиб, инглиз тилини мукаммал ўрганишни бошладим. Мактабдан ташқари вилоятимизда ташкил этилган қўшимча тўгаракларда ҳам қатнашдим.
Устозим — Ўзбекистонда биринчи бўлиб Cambridge университетининг DELTA дипломини қўлга киритган Муҳаммадхон Солиев билан назарий ва амалий билимларимни мустаҳкамлаб бордим. Эндиликда ота-онам, устозларим ҳамда ҳурматли Президентимизнинг ишончини оқлаш, дунёнинг энг нуфузли олийгоҳларида таҳсил олиб, Ватанимиз тараққиётига ўз ҳиссамни қўшишни мақсад қилганман», дейди Алишербек Қаҳрамонов.
