Сўнгги пайтларда Антарктида қитъасининг жанубий қисмида сейсмик фаолликнинг ошиши олимларнинг эътиборини тортмоқда. Чили университети Миллий сейсмология маркази тадқиқотчилари сўнгги уч ой ичида Антарктида қитъасида 30 мингдан ортиқ зилзила қайд этилганини эълон қилишди. Зилзиланинг энг баланд кўрсаткичи 6 балл бўлгани айтилмоқда. Ернинг ҳаракатланиши Брансфилд бўғози ҳудудига тўғри келмоқда.
Бўғоз яқинидаги тектоник плиталарда зилзилалар тез-тез аниқланаётгани айтиляпти, Чили университети баёнотида шундай дейилади: "Зилзилалар энг кўп такрорланган ой сентябрга тўғри келди. Айнан шу ойда кунига 1000 та зилзила қайд этилган кунлар бўлди".
Тадқиқотчи Серхио Берринтос эса «зилзила шу қадар тез содир бўлганидан илгари йилига 7-8 миллиметрга кенгайган бўғоз эндиликда йилига 15 сантиметрга кенгаяётганини, бу эса одатдагидан 20 баравар ўсишни англатиши»ни маълум қилди.
Антарктида энг тез «қизийдиган» минтақалардан бири сифатида ажралиб турса-да, олимлар ўзгарувчан иқлимнинг айсберг ва музликларга таъсирини диққат билан кузатмоқдалар. Сантяго университетидан иқлимшунос Раул Кордеронинг сўзларига кўра силкинишлар минтақадаги музликларга қандай таъсир қилиши мумкинлиги ҳозирча аниқ эмас.
