Нашр маълумотига кўра, Россияда грипп ва коронавирусга қарши битта вакцина учун технологик платформа яратилган.
Aлександр Гинсбург вакцинада хотира ҳужайралари ҳосил бўлишини айтди, бу эса антитаначаларнинг энг юқори даражада сақланишини таъминлайди. Иммунитет даражасининг ошиши эса, ҳар олти ойда бир марта эмас, балки узоқроқ муддатда қайта эмланиш мумкинлигига олиб келади, — тушунтирди олим.
Яратилаётган дори технологик платформаси асосида ротавирусга қарши гибрид вакцина ётади, унга параллель равишда коронавируснинг турли хил вариантларига қарши дори ишлаб чиқарилмоқда.
«Бунинг учун технологик платформа аллақачон яратилган, аммо клиник синовлар ҳали бошланмаган. Aгар бу платформада ҳаммаси яхши бўлса, бу технология ишлашда давом этади, кейин биз янада мураккаб вариантга ўтамиз — битта эмлашда бир вақтнинг ўзида грипп гемаглутинин антигенлари ва шунга мос равишда коронавирус S-оқсиллари бирлаштирилади. Янги препаратнинг клиник синовлари келаси йилнинг охирида бошланади», — дейди эксперт.
Гамалея марказининг бош тадқиқотчиси Виктор Зуевнинг таъкидлашича, грипп ва коронавирусни бир вақтда юқтириш мумкинлиги, мавсумий гриппнинг оғир ўтиши ва ундан ўлим ҳолатининг сезиларли даражада ошиши иккала касалликка қарши ягона вакцина яратиш заруратини юзага келтирди. Мутахассиснинг сўзларига кўра, иммунитет шаклланиши учун фақат гриппга ёки фақат коронавирусга қарши эмлаш етарли эмас, чунки бу икки хил вирус.
«Икки касалликни бир-бири билан аралаштирманг. Грипп грипп, коронавирус инфекциясининг бунга ҳеч қандай алоқаси йўқ. Гап шундаки, касалликларнинг белгиси ўхшаш — нафас олиш тизимида муаммо пайдо бўлади. Лекин бу касалликлар бир-биридан жуда фарқ қилади. Коронавирус инфекцияси «кутилмаган ҳодисалар»га олиб келади, айниқса ёшларнинг марказий асаб тизимига таъсир қилиши билан хавфлидир», — дея таъкидлаб ўтди олим.
