Буни Space нашри қайд этди.
19 декабрь куни Starlink сунъий йўлдошларидан бири ғайритабиий ҳолатга тушиб кетгани ва бошқарувни йўқотгани маълум бўлди. Кейинчалик маълум бўлишича, SpaceX Vantor компаниясига мурожаат қилиб, шикастланган ускунани суратга олишни сўраган. Vantor ўзининг WorldView-3 қурилмаси билан Илон Маскга тегишли компаниянинг сунъий йўлдоши орбитадан қулаётганини суратга олишга муваффақ бўлди, деб хабар берди lenta.ru.
“Бизнинг жамоамиз Ернинг ташқарисидан тасвирга олиш технологиясининг кенгайтирилган имкониятларидан фойдаланди”, деди Vantor вакили Тодд Сурдей. Сунъий йўлдош Аляска устидан учиб ўтаётганда, тахминан 250 километр масофада шикастланган Starlink ускунасини суратга олишга эришди.
Материалда айтилишича, суратга асосланиб, SpaceX сунъий йўлдош ҳолатини баҳолай олган. “Қўшимча маълумотлар оз миқдорда кузатилиши мумкин бўлган қолдиқлар мавжудлигини кўрсатади”, деди Starlink вакили Майкл Николлс. Кейинроқ SpaceXда таъкидланганидек, қулаб тушган сунъий йўлдош Халқаро коинот станцияга хавф туғдирмайди. У Ер атмосферасига кириб, парчаланиши керак.
