Ушбу йирик гидротехник сув тақсимловчи иншоот Бўстон каналининг шарқий қисмининг 352 пикетида бунёд этилган.
Фойдаланишга топширилаётган сув тақсимловчи иншоотлардан Элликқалъа, Беруний ва Тўрткўл туманларига асосий сув тақсимланади. Бўстон канали орқали сониясига 90 м3 сув оқиб келади. Шунингдек, ушбу сув тақсимловчи иншоот Беруний туманининг 38 минг гектар ерини сув билан таъминлашга, иккита насос станцияларини фойдаланишдан чиқаришга сабаб бўлади.
Объектнинг очилиш маросимида сўзга чиққанлар янги иншоотнинг бунёд этилиши давлат бюджетига катта фойда келтирилишига, насос станцияларини эксплуатация қилишга қаратиладиган маблағ тежалишига хизмат қилишини таъкидлади.
Маълумот учун: Мазкур сув тақсимловчи йирик гидротехник иншоотлардан Элликқалъа туманига Боғёб канали орқали 39 м3 куб, Беруний туманига 49,5 м3 сув тақсимланади.
Минажатдин Қутлимуратов,
«Янги Ўзбекистон» мухбири.
