Ҳозирги карантин шароитида корхонада 6 нафар киши доимий, 15 нафар эса мавсумий иш билан банд. Тадбиркорнинг ниятлари катта. Жорий йилнинг сентябрь ойида жониворлар бош сонини 8 минг бошга, йил якунига келиб эса қарийб 20 мингга етказишни мўлжалламоқда. Шунда яна 20 нафар киши иш билан таъминланади.
Ҳозир Ф. Ҳотамов жамиятни янада кенгайтириш мақсадида “Микрокредитбанк” акциядорлик тижорат банкининг туман филиалига 2 миллиард 300 миллион сўм кредит сўраб мурожаат қилган. Маблағга эга бўлгач, қуёнлар учун қурилаётган бинонинг иккинчи қисми ҳам ниҳоясига етади.
Тошкент вилояти ҳокимлиги ахборот хизмати маълумотларига кўра, айни пайтда жамиятда етиштирилган қуён гўштлари пойтахтимиздаги "korzinka.uz ва "Makro" супермаркетларига етказиб берилмоқда.
