Бу ҳақда АОКАда ўтказилган брифингда “Ўзёғмойсаноат” уюшмаси бошқарув раиси ўринбосари Камар Серкаев маълум қилди.
Қайд этилишича, техник чигитни қайта ишлашга ихтисослашган 303 та ёғ-мой корхонасининг 77 таси пахта техник чигитини қайта ишлаш учун белгиланган талабларга мувофиқ, 226 таси эса корхона фаолияти белгиланган талабларга мувофиқ эмаслиги қайд этилди.
Жумладан, 35 корхона ҳеч қандай технологик ускуна билан жиҳозланмаган. Шунингдек, уларнинг 52 тасида фақат пресслаш ускунаси мавжудлиги, 13 тасида экстракциялаш ускунаси йўқлиги, 126 корхона эса тўлиқ технологик циклга эга эмаслиги аниқланди.
