Дастлаб, Токио Олимпиадаси 2020 йил 24 июлдан 9 августгача ўтказилиши режалаштирилган эди. Бироқ коронавирус пандемияси туфайли танлов бир йилга қолдирилди. Шу билан бирга, «Токио 2020» ўйинлари номи сақланиб қолди.
Телевидениега берган интервьюсида Мори таъкидлашича, ҳозирда бу бўйича бир фикрга келингани йўқ, агар бу ягона чора бўлса, ташкилий қўмита «бу ҳақда ўйлаши керак». Шу билан бирга, у, бу ҳолатда “Ўйинларни бекор қилиш мумкин"лигини таъкидлади.
Инфекция тарқалишининг олдини олиш учун томошабинлар сонини қисқартириш режаси ҳақида ҳам гапириб, Мори бу вазифа муайян мезонларни ишлаб чиқишни талаб қилишини таъкидлади. Мисол сифатида у спорт иншоотларига фақат Японияда доимий истиқомат қилувчиларгина қабул қилиниши мумкин бўлган вариантни келтирди.
Аввалроқ, Япония Вазирлар Маҳкамаси бош котиби Есихиде Суга COVID-19 га қарши вакцинани ишлаб чиқишдаги муваффақият келгуси йил Токиода Ёзги Олимпия ва Паралимпия ўйинларини ўтказиш учун шарт эмаслигини айтганди.
