Бугун профессионал бокс оламида жаҳоннинг етакчи телекомуникация компанияларидан бири бўлган ESPN экспертлари 25 ёшгача бўлган энг кучли топ-50 профессионал боксчилар рўйхатини эълон қилди.
Эътиборлиси, кучлилар сафида ҳамюртимиз Рио олимпиадасининг кумуш медаль совриндори Бектемир Мелиқўзиев (- 76,2 кг) ҳам қайд этилди. Ҳозирги кунда Лос-Анжелеснинг Индио шаҳарчасида навбатдаги рейтинг жангига ҳозирлик кўраётган Бектемир билан биргаликда МДҲ давлатларининг профичиларидан қозоғистонлик Садриддин Аҳмедов (-69,9 кг) , россиялик Магомед Қурбонов (-69,9 кг) , украиналик Фёдор Черкашин (-72,6 кг) ҳам жаҳоннинг энг иқтидорли ва келажаги порлоқ 25 ёшли чарм қўлқоп усталари сифатида эътироф этилган.
