Маълум қилинишича, 4 август куни «Тошкент-Аэро» ИБК Контрабандага қарши курашиш шуъбаси ҳамда «Тошкент халқаро аэропорти» чегара божхона пости ходимлари ҳамкорлигида тезкор тадбир ўтказилган.
Бангкокдан учиб келган икки йўловчи божхона назоратидан «яшил» йўлак орқали ўтишга уринган. Уларнинг багажлари текширилганда, бир-бирига ўхшаш иккита вино шишаси ва иккита пластик идиш аниқланган.
Экспертиза натижасида идишлардаги модда жами 6,8 килограмм мефедрон экани маълум бўлган.
Қайд этилишича, йил бошидан буён божхона органлари ҳуқуқни муҳофаза қилувчи бошқа идоралар билан ҳамкорликда аниқланган 471 та ҳолатда қарийб 1 тонна 800 килограмм гиёҳвандлик воситаларининг божхона чегараси орқали ноқонуний олиб ўтилиши ва мамлакат ҳудудидаги яширин айланмасига чек қўйган.
Мазкур ҳолат юзасидан божхона органлари томонидан жиноят иши қўзғатилган.
