Маълум бўлишича, Қозоғистон фуқароси шу куни Сергели туманига автомобиль харид қилиш мақсадида келган. Бироқ машина харид қила олмаган фуқаро ўзи билан олиб келган 10 минг АҚШ долларини йўқотиб қўйган.
Кейинчалик мазкур пул метрополитен ҳудудида хизмат вазифасини бажараётган Метрополитенда хавфсизликни таъминлаш бошқармаси ходими томонидан топиб олинган.
Тегишли чоралар кўрилиб, пул маблағларининг қонуний эгаси аниқланган. 10 минг АҚШ доллари белгиланган тартибда тўлиқ ҳолда эгасига қайтарилган.
— Пулимнинг ҳаммаси қайтарилди. Барчангизга раҳмат. Ички ишлар ходимларига алоҳида миннатдорлик билдираман. Жуда тез ҳаракат қилишди, — деди Қозоғистон фуқароси.
Ҳалоллик, масъулият ва фуқароларга кўмак кўрсатиш — ички ишлар ходимининг муҳим фазилатларидан биридир.
