Aниқланишича, Қибрай туманида яшовчи аёл телеграм ижтимоий тармоғи орқали “Ғиёс” исмли шахс билан танишган. Орадан бироз вақт ўтиб ушбу шахс аёлнинг унга юборган сурат ва видеоларни интернет тармоқларида тарқатиб юбориш билан қўрқитиб, ундан сурат ва видеоларни тарқатмаслик эвазига 5 миллион сўм талаб қилиб келган.
Ушбу ҳолат юзасидан вилоят ИИББ ЖҚБ Уюшган жиноятчиликка қарши курашиш бўлими ходимлари томонидан ўтказилган тезкор тадбирда, 1995 й.т. Ғ.Х. (Қорақалпоғистон Республикасида яшовчи) аёлдан келишилган пулнинг 200 AҚШ долларини товламачилик йўли билан олаётган вақтида қўлга олинган.
Ушланган шахснинг қўл телефони ўрнатилган тартибда текширувдан ўтказилганда, у юқоридаги ҳолат каби, яна ўнга яқин аёллар сурат ва видеолари борлиги ва бу каби иш билан мунтазам шуғулланиб келганлиги гумонланган.
"Ҳозирда ҳолат юзасидан ушланган шахсга нисбатан Ўзбекистон Республикаси ЖКнинг 165-моддаси билан жиноят иши қўзғатилиб, тергов ҳаракатлари олиб борилмоқда", дейилади хабарда.
