Ҳодиса Washington Hilton меҳмонхонасида бўлиб ўтган тадбир чоғида содир бўлган. Маълумотларга кўра, зал ташқарисида ўқ отилганига ўхшаш овозлар эшитилганидан сўнг тадбир дарҳол тўхтатилган ва иштирокчилар хавфсиз ҳудудга чиқарилган.
АҚШ махфий хизмати ходимлари президентни зудлик билан қуршаб, уни хавфсиз жойга олиб чиққан. Шунингдек, биринчи хоним Меланиа Трамп ҳамда Оқ уй матбуот котиби Каролине Леавитт хавфсиз экани маълум қилинган.
Дастлабки маълумотларга кўра, гумонланувчи меҳмонхона фойесида қўлга олинган ва у тадбир ўтказилаётган залга киришга уринган. Ҳодиса оқибатида иштирокчилар орасида жабрланганлар йўқ.
Шунингдек, АҚШ вице-президенти ЖД Венc ва бошқа юқори лавозимли амалдорлар ҳам эвакуация қилинган.
Расмий манбаларга кўра, вазият тўлиқ назорат остига олинган, тергов ҳаракатлари олиб борилмоқда. Президент Доналд Трамп эса хавфсиз ҳолатда экани ва ҳуқуқни муҳофаза қилувчи органлар тезкор ҳаракат қилганини таъкидлаган.
