“Express” нашри Каролинска институти (Швеция) олимлари маълумотларига асосланиб спиртли ичимликдан воз кечиш умрни 28 йилга узайтиришга қодирлигини маълум қилди.
20 йиллик тадқиқот давомида мутахассислар Дания, Финляндия ва Швециядаги ароқхўр неча йил яшашганини кузатишган.
Кузатишлар ичкиликка ружу қўйганларнинг турли касалликлардан кўпроқ вафот этгани, ичиш натижасида ўз ҳаётларини ўртача 28 йилга қисқартиришганидан далолат берди.
Бутун дунё бўйлаб шифокорлар мунтазам равишда спиртли ичимликнинг соғлиққа салбий таъсири ҳақида огоҳлантириб келишади. Уларнинг кам миқдори ҳам саратон ва бепуштлик касаллиги эҳтимолини оширади. Шунингдек, ақлий ва жинсий заифликни келтириб чиқариши мумкин.
Қолаверса, ичкиликдан кўпинча жигар, юрак тизими ва мия азият чекади.
