Узум, шоколад ва кўк чойдаги кимёвий бирикмалар коронавирус инфекциясини блокировка қилишга қодир экан. Шимолий Калифорния университети олимлари шундай хулосага келган. Уларнинг тадқиқоти Frontiers in Plant Science журналида чоп этилган.
SARS-CoV-2нинг ожиз томони Mpro ферменти бўлиб, у тикланиш жараёнида иштирок этади. Яна шу нарса ҳам маълумки, ўсимлик озуқалари ҳар хил кимёвий бирикмаларининг кучли оксидланишга ва шамоллашга қарши хусусиятларининг ўзаро бир-бирига таъсири натижасида Mpro нобуд бўлади экан.
Мутахассислар озиқ-овқатлар ва дори воситаларида шундай бирикмалар мавжудлигини ўрганиб чиқдилар. Лаборатория экспериментлари узум ва кўк чойдаги мавжуд моддалар Mproнинг функцияларини йўққа чиқарганини кўрсатган. Какао кукуни ва қора шоколаддаги бирикмалар эса Mpro фаоллигини тахминан 50 фоизга пасайтирган, деб ёзади Известия.
Тадқиқотчиларнинг сўзларига кўра, кўк чойда шунингдек Mproнинг ҳар хил қирралари билан ўзаро биргаликда ҳаракатланадиган ва унинг таъсирини йўққа чиқарадиган бешта кимёвий бирикма мавжуд экан.
