Энг қиммат расм Пабло Пикассонинг “Дераза олдида ўтирган аёл” (“Мария Тереза”) асари бўлиб, у 103,4 миллион долларга сотилган.
Голландиялик импрессионист Винсент Ван Гогнинг “Тринкветайль кўприги” сурати учун қарийб 39,3 миллион доллар таклиф этилди. Асар ўз харидорини топди.
Расмларнинг аксарияти тахмин қилингандан кўра юқори нархда баҳоланди. Улар орасида Энди Уорхолнинг “Икки Мэрилин” асари 15,8 миллион, америкалик рассом Марк Ротконинг “Номсиз” картинаси — 38,1 миллион долларга сотилган.
Машҳур француз импрессионисти Клод Монэнинг “Ватерлоо кўприги. Туман эффекти” асарининг нархи қарийб 48,5 миллион долларни ташкил этди.
Шунингдек, ким ошди савдосида Виллем де Кунинг, Ли Краснер, Жоан Митчелл, Марсель Дюшан, Жан Дюбюффе ва Лусио Фонтананинг асарлари намойиш этилди.
