Бунда спорт ташкилотларининг шаффофлиги, оммавийлиги, ривожланиш тамойиллари, фаоллиги ва бошқа муҳим жиҳатлари инобатга олиниб, улар “А” “В” ва “С” тизимида сараланди. Рейинг тизимидан ёзги олимпия ўйинларидан ўрин олган бирон бир спорт тури четда қолмади. Фақат бокс спорт турининг халқаро ташкилоти — AIBA ушбу рейтингга жалб қилинмади. Шунингдек, халқаро каратэ федерацияси ҳам рейтингда иштирок этиш хоҳишини билдирмади.
Халқаро спорт федерацияларнинг фаолиятидаги барча жиҳатлар инобатга олинган ушбу рейтинг Халқаро олимпия қўмитаси аъзолари иштирокида ўтказилди.
“А-1” тоифасида кучли олтиликни BWF (бадминтон), FEI (от спорти), FIFA (футбол), ITF (теннис), UCI (велоспорт), IRB (регби) эгаллади.
“А-2” тоифасида эса баскетбол, қиличбозлик, триатлон, эркин-юнон рум кураши, енгил атлетика, парус спорти, таэквондо спорт турларининг халқаро федерациялари қайд этилди.
“В” таснифидан эса гимнастика, хоккей, гребля, волейбол, гольф, гандбол, ўқ отиш спорти, бешкураш кабилар жой олишган бўлса, “С” гуруҳида дзюдо, серфинг, оғир атлетика, бейсбол кўриниш беришди.
Халқаро олимпия қўмитаси масъулларининг билдиришича, ўтган йиллардаги рейтинг бу қадар ҳаққоний ва шаффоф ўтказилмагани оқибатида халқаро спорт жамоатчилиги томонидан турли эътирозларга сабаб бўлганди. Ва бу яқин ўтмишда оғир атлетика, бокс каби спорт турларининг халқаро ташкилотларида рўй берган нохуш ҳолатларнинг келиб чиқишига олиб келганди.
Тўлқин РЎЗИЕВ.
