Андижон вилояти ҳокими Шуҳратбек Абдураҳмонов Хитойдаги қатор компаниялар билан музокаралар ўтказди. Музокаралар натижасига кўра, Хитойнинг “China First Haghway” компанияси Андижондаги чиқинди полигонларида электр энергияси ишлаб чиқариш лойиҳасини амалга ошириш учун 30 млн. доллар инвестиция киритишига келишилди.
Шунингдек, “Yingli solar” компанияси Асака туманида 150 гектар ер майдонида қуёш фотоэлектр станциясини қуради, Улуғнор, Балиқчи, Асака туманларида гидроэлектр станциялари қурилишига сармоя киритади.
“GD Power Development Company” компанияси эса Хонобод шаҳри ва Андижон туманида шамол энергияси станциясини бунёд қилиш, “Янги Андижон”да қуёш панелларини ўрнатиш, Андижон туманида қуёш панеллари учун эҳтиёт қисмлар (инверторлар) ишлаб чиқаришни ташкил қилиш мақсадида ўрганиш ишлари олиб боради.
