Туманнинг Тепақиёт қишлоғидаги пиллачиликка ихтисослашган “Фазлиддин ўғли Шамсиддин” фермер хўжалигида ипак қурти боқиш жараёнини шундай ташкил этилганки, ундан бутун республика тажриба олмоқда.
30 йиллик пиллачилик тажрибасига эга фермер Фазлиддин Ғоипов иш фаолиятида татбиқ этаётган инновацион ёндашувлар ўзига хослиги билан эътибор тортади.
3,7 гектар майдондаги 5000 тупдан ортиқ тут кўчати билан хўжалик аъзолари уйида 20 қути ипак қурти парваришлашга тайёргарлик кўрмоқда.
Бу хўжалик, ўтган йили режани 196 фоиз қилиб бажарган бўлса, бу йил 200 фоизлик маррани кўзламоқда. Бир қути уруғдан олинаётган ҳосил 90 кг.дан то 130 кг гача етаётгани, Хитой пиллачилигида ҳам эришиш қийин бўлган натижадир.
Фермер томонидан тут баргларига ҳам кимёвий воситалар келиб ўрнашишини ҳисобга олган ҳолда, қуртларни озиқлантиришдан аввал тут баргларини бирма-бир ювдириб кейин берилиши йўлга қўйилгани, қуртнинг ҳар бир уйқусидан кейин кейин шамоллашга қарши пеницилин, ампицилин қўшиб озиқлантириш каби жиҳатлар ҳам диққатга лойиқдир.
