Кеча Таиландда футбол бўйича ўсмирлар ўртасидаги Осиё чемпионати якунланди. Турнирнинг финалида Япония ва Жанубий кореялик ёшлар тўқнаш келишди. Қизғин кечган баҳсда японияликлар 3:0 ҳисобида ғолиб чиқиб, Осиё чемпиони бўлди.
Ушбу қитъа биринчилигида Ўзбекистон U-17 ҳам иштирок этганидан хабарингиз бор, албатта. Ўсмирларимиз ярим финалгача етиб келиб, жаҳон чемпионати йўлланмасини қўлга киритди.
