Бир кун аввал атом электр станцияси оператори – ТЕРCО сувда оқизишга тайёрланаётган тритий концентрациясини яна бир бор текширди. Унинг вакилларининг таъкидлашича, таҳлил натижаларига кўра литри 43 дан 63 беккерелгача бўлиб, бу ҳукумат томонидан белгиланган меъёрдан анча паст.
Режага кўра, биринчи давр 17 кун давом этади, денгиз суви билан аралаштирилган 7800 тонна тозаланган сув чиқарилади. Жорий йилида жами 31200 тонна (30 цистерна) оқизиб юборилиши кутилмоқда.
Тритийни ўз ичига олган сув океанга 1 километр узунликдаги ер ости туннели орқали қисм-қисм қилиб оқизилади. Бунгача ТЕРCО атом электр станциясини совитиш учун сарфланган ҳар бир кубометр сув тахминан 1,2 минг куб метр денгиз суви билан аралаштирилди.
МАГАТЭ раҳбарияти Токиони мазкур операциянинг хавфсизлигига ишонтирди.
Маълумки, АЭСда 1,34 миллион тонна радиоактив сув тўпланиб, ўз имкониятлари чегарасига яқинлашган.
2011 йилнинг март ойида Японияда зилзила содир бўлиб, цунамига сабаб бўлган эди. Катта тўлқин Фукусима-1 АЭСдаги аварияга олиб келган эди.
2021 йил апрель ойида Япония ҳукумати станциядан сувни махсус тозалашдан сўнг секин-аста океанга чиқариш режаларини эълон қилди.
Токионинг қарори қўшни давлатлар ва хусусан, балиқчилик саноати вакилларининг норозилигига сабаб бўлди, деб хабар беради korrespondent.net.
