Япониядаги Нишида Шоун транспорт фирмаси президенти Масуми Нисида дизел ёнилғига янги экологик муқобил — рамён шўрвасининг ёғидан фойдаланишни ўйлаб топди.
Масуми Нисидада рамён шўрвасидан фойдаланиш ғояси 2013-йилда пайдо бўлган. Унга рамёнлар тармоғининг оператори мурожаат қилиб, шўрва қолдиқларини йўқ қилишга қўшимча пул тўлашга мажбур бўлаётганини айтган. Шунда 74 ёшли Нисида ошхона шароитида шўрвадан ёғни ажратиб олиш қурилмасини яратган.
Корхона чўчқа суякларидан тайёрланадиган шўрванинг ёғини озиқ-овқат чиқиндилари мойидан олинган ёнилғига аралаштиради.
Aйни вақтда Масуми Нисиданинг компанияси 2 мингга яқин ресторандан ёғ ва чиқинди мойларини сотиб олиб, улардан кунига 3 минг литргача ёнилғи ишлаб чиқармоқда, деб хабар бермоқда Интеллектуал мулк агентлиги ахборот хизмати.
