Юз берган сув тошқини оқибатларини юмшатиш мақсадида жорий йилнинг 18 май куни Фориш тумани Эгизбулоқ қишлоғига инсонпарварлик ёрдамининг биринчи партияси, шу жумладан 100 та озиқ-овқат жамланмаси ҳамда болалар ва катталар учун устки кийимлар тўплами етказилди.

Ҳаракатнинг ушбу ташаббусини Хитойнинг Ўзбекистондаги элчихонаси, PepsiCo’нинг Ўзбекистондаги расмий боттлери — International Beverages Tashkent компанияси, Anglesey Food компанияси, REDTAG бренди каби бизнес тузилмалари вакиллари қўллаб-қувватлади.

Бундан ташқари, хайрия акцияси доирасида ЮНИСЕФ Ўзбекистон Қизил Ярим ой жамияти билан ҳамкорликда USAID’нинг Гуманитар масалалар бўйича бюроси молиявий кўмагида зиён етган ҳудудга 180 та гигиена воситалари ва зарур маҳсулотлар жўнатди.