Намойишда Агентлик раҳбарияти, Ўзбекистон Республикаси Миллий гвардияси ҳарбий-техник институти профессор-ўқитувчилари, адабиётшунос олимлар, тарихчилар, киномутахассислари ҳамда ёш киноижодкорлар иштирок этишди.
“Заҳириддин Муҳаммад Бобур” ҳужжатли фильми “Ўзбеккино” Миллий агентлиги, Ўзбекистон Республикаси Миллий гвардияси Ҳарбий-техник институти билан ҳамкорликда “Синтез фильм” киностудияси томонидан тасвирга олинган. Ушбу тарихий ҳужжатли фильм Ўзбекистон Республикаси Президенти Шавкат Мирзиёевнинг 2020 йил Адиблар хиёбонига ташрифи давомида берилган топшириқлари бўйича яратилди. “Заҳириддин Муҳаммад Бобур” фильми "Халқ юраги" номи остида суратга олинаётган туркум фильмлардан бири.
Сценарий муаллифи ва постановкачи режиссёр Бобур Шер ўғли, постановкачи оператор Диёр Исматов, постановкачи рассом Санъат Кенжаев, продюсер Хуршид Алихўжаев.
Намойишдан сўнг фильм билан боғлиқ муҳокамалар бўлиб ўтди. Унда мутахасcислар томонидан фильм ҳақида ижобий фикрлар билдирилиб, фильмнинг ютуқ ва камчиликлари ҳақида муҳим таклиф ва тавсиялар беришди.
Эслатиб ўтамиз, сўнгги пайтлар Агентлик томонидан фильмларни кенг оммага намойиш этишдан олдин мутахассислар билан фикр алмашиш амалиёти йўлга қўйилган.
“Ўзбеккино” Миллий агентлиги Ахборот хизмати
