Қайд этилишича, “Тошкент Халқаро Аэропорти“да Истанбул-Тошкент рейси билан учиб келган йўловчи белгиланган тартибда божхона назоратидан ўтказилганда, унга тегишли бўлган йўл сумкаси ичидан жисмоний шахслар томонидан олиб кириш меъёридан ортиқча бўлган, тахминий ҳисоб-китобларга кўра қиймати 170млн сўмлик, 130 грамм тилла заргарлик буюмлари борлиги аниқланди.
Ҳозирда мазкур ҳолат юзасидан божхона суриштирувлари олиб борилмоқда.
Эслатиб ўтамиз, жисмоний шахслар 2025 йилнинг 20 июль санасидан шахсий эҳтиёж учун мўлжалланган заргарлик буюмларини нотижорат мақсадларида республикага олиб кириладиган товарларнинг божсиз олиб кириш нормалари доирасида олиб киришлари мумкин.
Мазкур норма ҳаво транспортида 1000 доллар этиб белгиланган.
