“Бизнинг сиёсатимиз ўтмишдагини давом эттириш, биз конструктивмиз. Агар минераллар бўйича битим имзолашга рози бўлган бўлсак, уни имзолашга тайёрмиз”, деди Владимир Зеленский BBC мухбирининг саволига жавоб берар экан.
“Музокаралар столида турган келишув томонлар тайёр бўлса, имзоланади”, дея қўшимча қилди у.
28 февраль куни Зеленский Трамп билан учрашиш учун Оқ уйга келди. Журналистлар иштирокидаги суҳбат чоғида улар ўртасида жанжал келиб чиққан ва Трамп Зеленскийга АҚШга нисбатан ҳурматсиз муносабатини таъкидлаган, Вице-президент Жей Ди Вэнс эса Киевга кўрсатаётган ёрдами учун Вашингтонга миннатдорчилик билдиришни унутганини таъкидлаган. Уларнинг учрашувидан кейинги матбуот анжумани бекор қилинди ва Трамп Truth Socialда баёнот эълон қилди, унда у Зеленский ҳурматсизлик кўрсатгани ва Украина можаросини тинч йўл билан ҳал қилишга тайёр эмаслигини таъкидлади.
Зеленскийнинг АҚШга ташрифи ва Трамп билан музокаралардан сўнг минераллар бўйича келишув имзоланиши керак эди. Reuters агентлиги Оқ уй вакилига таяниб хабар берганидек, маросимни бекор қилиш ҳақидаги қарорни Америка раҳбари қабул қилган.
2 март куни АҚШ молия вазири Скотт Бессент АҚШ маъмурияти ҳозирда Украина билан нодир металлар ва бошқа фойдали қазилмаларни қазиб олиш бўйича иқтисодий битим имзолаш имкониятини кўриб чиқмаётганини маълум қилди, деб хабар беради ria.ru.
