Украина Россиядан 12 майдан бошлаб “тўлиқ, узоқ муддатли ва ишончли” ўт очишни тўхтатишга рози бўлишини кутмоқда. Шунда Киев Москва билан музокаралар учун учрашишга тайёр, — деб ёзди Украина президенти Владимир Зеленский ўзининг Телеграм каналида.
Руслар ниҳоят урушни тугатиш ҳақида ўйлаётгани яхши белгидир. Дунёдаги ҳамма буни узоқ вақтдан бери кутмоқда. Ва ҳар қандай урушни ҳақиқатдан ҳам тугатишнинг биринчи қадами — бу ўт очишни тўхтатишдир, деди у.
Путин 15 май куни Истанбулда Украина билан тўғридан тўғри музокараларни бошлашни таклиф қилганди. Бироқ Россия 30 кунлик сулҳни бошлаш учун Ғарб давлатлари Киевга қурол етказиб беришни тўхтатиши кераклигини айтмоқда. Акс ҳолда, Украина бу даврдан сафарбарлик, ротация, янги жангчиларни тайёрлаш ва мавжуд кучларини тиклаш учун фойдаланишини даъво қилган.
АҚШ президенти Дональд Трамп эса Украинада Москва билан тинчлик мулоқотини бошлашни талаб қилган.
Мен Украинанинг Путин билан келишувга боришига шубҳа қила бошладим. Путин эса Америка Қўшма Штатлари ёрдамисиз ҳеч қачон ғалаба қозониши мумкин бўлмаган Иккинчи жаҳон урушидаги ғалабани нишонлаш билан овора. Учрашинг, хозироқ, деган у.
Зеленскийнинг Путин билан учрашиш чақириғи айнан мазкур баёнотдан сўнг янграган. Туркия президенти Ражаб Тоййиб Эрдўғон 11 май куни Россия президенти билан мулоқотда музокараларни ташкиллаштиришни қўллаб-қувватлаганди.
