Тавре ки ширкати Uzbekistan Airports хабар медиҳад, самти аввалин парвози мунтазам хатсайри ширкати ҳавопаймоии дохилии Flyone Asia бо масири «Андиҷон – Ҷидда – Андиҷон» гардид, ки ҳафтае ду маротиба — рӯзҳои сешанбе ва панҷшанбе — иҷро хоҳад шуд.

Парвози нахустини хатсайри Q7 2261 дар фазои идона баргузор гардида, дар дохили ҳавопаймо 151 мусофир ҳузур доштанд. Намояндагони ширкати ҳавопаймоӣ таъкид намуданд, ки роҳандозии ин масир имкониятҳои сафарҳои ҳаҷҷу умра, сайёҳӣ ва тиҷоратиро васеъ намуда, робитаҳои байни Ӯзбекистон ва Арабистони Саудиро тақвият мебахшад.

Дар айни замон аз фурудгоҳи Андиҷон инчунин парвозҳои мунтазам ба самти Тошканд — тавассути ширкати Silk Avia (рӯзҳои душанбе ва панҷшанбе) ва ширкати Uzbekistan Airways (рӯзҳои чаҳоршанбе ва шанбе) анҷом дода мешаванд.