Дар соли 2022 ҳаҷми интиқоли нерӯи барқ ба Афғонистон тибқи созишномаи байни ҶС «Шабакаи миллии барқи Ӯзбекистон» ва «Da Afghanistan Breshna Sherkat" 2 210,0 миллион кВт/соат муқаррар шудааст. Ҳисобот дар асоси талабот ва эҳтиёҷоти Афғонистон ба нерӯи барқ дар моҳҳои январ-июнь сурат гирифтааст. То имруз 770,2 миллион киловатт-соат интиқол дода шудааст.
Пардохтҳо барои нерӯи барқе, ки имсол аз Ӯзбекистон дода мешавад, аз ҷониби ширкати «Da Afghanistan Breshna Sherkat" ба таври мунтазам сурат мегирад.
Қобили зикр аст, ки аз 14 апрели соли равон қабули нерӯи барқ аз Ӯзбекистон ба муносибати пайвастани Афғонистон ба низоми энергетикии Тоҷикистон дар мавсими тобистон қатъ карда шуд, хабар медиҳад хидмати матбуоти вазорати энергетика.
Барои маълумот: аз соли 2002 аз Ӯзбекистон ба Афғонистон қувваи барқ интиқол дода мешавад. Солҳои аввал интиқоли нерӯи барқ аз шабакаҳои интиқоли 10 кВ дар асоси имкониятҳои технологии шартномаҳои бо ширкати «Da Afghanistan Breshna Sherkat" басташуда амалӣ карда мешуд. Аз соли 2009 пас аз сохтану ба истифода додани ду хати интиқоли барқи 220 кВ, ба Афғонистон то 430 МВт нерӯи барқ мерасад.
