Al Jazeera: шумораи қурбониёни ҳамлаҳои Исроил ба Навори Ғазза ба 232 нафар расид

Шумораи қурбониёни ҳамлаҳои ҳавоии Исроил ба Навори Ғазза ба 232 нафар расид. Дар ин бора телеканали қатарии Al Jazeera хабар медиҳад.

Тибқи маълумоти манбаъ, дар натиҷаи силсилаи ҳамлаҳои неруҳои ҳавоии Исроил ба ҳудуди ин минтақаи фаластинӣ, на камтар аз 232 нафар ҳалок шуданд. Гуфта мешавад, ки дар байни ҳалокшудагон шумораи зиёди занон ва кӯдакон ҳастанд.

Қаблан хабар дода шуда буд, ки шумораи қурбониён ба 200 нафар расидааст.

18 марти соли ҷорӣ Артиши мудофиаи Исроил (ЦАХАЛ) аз анҷоми ҳамлаҳои густарда ба иншооти террористии ҳаракати фаластинии ҲАМОС дар Навори Ғазза хабар дод. Ҳамзамон, хабарнигори портали амрикоии Axios Барак Равид дар шабакаи иҷтимоии Х, бо истинод ба дафтари нахуствазири Исроил Бинёмин Нетаняҳу, изҳор дошт, ки Исроил дубора амалиёти низомиро бар зидди ҲАМОС дар ин минтақа оғоз кардааст, иттилоъ медиҳад tass.ru.

Шумораи қурбониён аз зарбаҳои ИМА ба Яман ба 31 нафар расид

Ҳадди ақал 31 нафар шаҳрванд ба ҳалокат расида, беш аз 100 нафар маҷрӯҳ шуданд дар натиҷаи зарбаҳои ИМА ба пойтахти Яман – шаҳри Сано ва дигар минтақаҳои кишвар, ки таҳти назорати шӯришиёни "Ансоруллоҳ" (ҳусиҳо) қарор доранд. Дар ин бора намояндаи Вазорати тандурустии шӯришиён Анис ал-Асбахӣ хабар дод.

Дар Қирғизистон бар асари заминларза 39 бино осеб дид

Тақрибан 40 бино, аз ҷумла хонаҳои истиқоматӣ, мактабҳо ва кӯдакистон, дар натиҷаи заминларзаи шаби 11 ба 12 март дар вилояти Ош қисман осеб диданд. Тибқи маълумоти Вазорати ҳолатҳои фавқулодаи ҷумҳурӣ шиддати заминларза дар маркази он 4,9 баллро ташкил дод.

Дар Шри-Ланка маймун боиси қатъи нерӯи барқ гардид

9 феврали соли 2025 дар Шри-Ланка қатъи шадиди неруи барқ рух дод. Вазири энергетикаи кишвар Кумара Ҷаякоди сабаби ин ҳодисаро ба маймун рабт дод. Дар ин бора BBC хабар медиҳад.

Ҳангоми суқути ҳавопаймо дар вилояти Москва ду нафар ҳалок шуданд

Дар ноҳияи Раменскии вилояти Москва як ҳавопаймои сабукмуҳаррик суқут карда, ду нафар ҷони худро аз даст доданд, хабар дод намояндаи хадамоти фавқулода ба РИА Новости.

Al Jazeera: шумораи қурбониёни ҳамлаҳои Исроил ба Навори Ғазза ба 232 нафар расид