Лоиҳа аз соли 2018 дар хоҷагҳои ҷангали Сирдарё, Поп, Китоб ва Деҳқонобод амалӣ карда мешавад. Дар баробари ин, пешбурди идоракунии устувори ҷангал маънои чунин идоракунии ҷангалро дорад, ки ба аҳолии маҳаллӣ имкон медиҳад, ки захираҳои ҷангалро васеътар истифода баранд, на танҳо ҳосилнокии ҷангалҳоро, балки вазифаҳои экологӣ, арзиши эстетикӣ ва рекреатсионӣ, гуногунии биологӣ ва ландшафтҳоро нигоҳ доранд.

«Дар давоми чор сол лоиҳаи мо ба проблемаҳои асосии хоҷагии ҷангали Ӯзбекистон диққати ҷиддӣ медиҳад. Ҳамасола коршиносони байналмиллалӣ ва миллии ФАО барои баланд бардоштани иқтидори аҳолии деҳот семинарҳои омӯзишӣ мегузаронанд, ба онҳо оид ба рушди боғу плантатсияҳо, парвариши зироатҳои доруворӣ ва кишоварзӣ тавсияҳои илмӣ дода мешаванд”, – гуфт Олимҷон Қаҳҳоров, ҳамоҳангсози техникии лоиҳа.

Моҳи декабри соли 2021 дар хоҷагии ҷангали Деҳқонобод қитъаҳои намоишии лоиҳа бо мусоидати ФАО дар масоҳати қариб 13 гектар, аз ҷумла террасҳои кӯҳӣ, плантатсияҳои ҳезум ва боғчаи ниҳолшинонӣ ва буридани дарахтон таъсис дода шуданд. Барои ин аз ФАО беш аз 16 000 ниҳол, 5 000 қаламча ва 880 кг тухмӣ харида шудааст. Дар ин мавзеъ корҳо оиди обёрии қатрагӣ гузаронида шуд. Ин қитъаҳо ҳамчун намунаи таҷрибаҳои беҳтарин дар соҳаи хоҷагии ҷангал, ҷорӣ кардани инноватсия ва усулҳои идоракунии устувори ҷангал бо риоя намудан ба мутавозинии гендерӣ хизмат мекунанд.

Худи ҳамон рӯзҳо семинари «Маводи кишт: тухмиҳо, ниҳолҳо ва қаламчаҳо барои қитъаҳои лоиҳа» баргузор гардид, ки дар он зиёда аз 100 нафар баҳрабардорони лоиҳа иштирок намуданд. Дар доираи семинар аз ҷониби ФАО барои бунёди майдонҳои сабз дар қитъаҳои наздиҳавлигӣ ба аҳолии маҳаллӣ зиёда аз чор ҳазор ниҳол супурда шуд, хабар медиҳад ӮзА.

Дар доираи лоиҳа танҳо дар соли гузашта дар маҷмӯъ дар майдони 1220 гектар ниҳолзорҳои ҷангал бунёд гардида, дар чор қитъаи таҷрибавӣ зиёда аз 265 ҳазор ниҳол шинонда шуд.