БАТР яке аз шарикони бонуфузи байналмилалии молиявӣ ва стратегии Ӯзбекистон ба ҳисоб меравад. Дар маҷмӯъ, БАТР ба беш аз 120 лоиҳа дар Ӯзбекистон 3,7 миллиард евро сармоягузорӣ кардааст. Маблағҳо ба бахшҳои гуногуни иқтисодиёт, аз ҷумла манбаҳои барқароршавандаи энергия, рушд ва модернизатсияи кишоварзӣ ва ғайра равона карда шуданд.
Дар ҷараёни мулоқот ҷонибҳо самтҳои кунунӣ ва дурнамои ҳамкориҳои Ӯзбекистон ва бонкро баррасӣ карданд. Ба баррасии масъалаҳои баргузории ҷаласаи 32-юми солонаи Шӯрои идоракунандагони БАТР дар моҳи май дар шаҳри Самарқанд таваҷҷуҳи махсус зоҳир карда шуд.
БАТР 28 марти соли 1991 таъсис ёфтааст. Идораи марказии он дар Лондон ҷойгир аст. Ӯзбекистон аз 30 апрели соли 1992 узви БАТР мебошад, хабар медиҳад хидмати матбуоти Вазорати корҳои хориҷии Ҷумҳурии Ӯзбекистон.
